На нашым сайце пад хэштэгам  #ЇїСправа, #ЯеСправа, #ЕёДело мы публікуем артыкулы пра жанчын*, якія змяняюць сваё жыццё, жыццё краіны, горада, раёна, вуліцы да лепшага і робяць свет больш справядлівым. #ЯеСправа імкнецца рабіць бачным унёсак актыўных жанчын* у развіццё грамадзянскай супольнасці.

Усе артыкулы падрыхтаваныя ў межах адукацыйнай праграмы для маладых журналістак* з Беларусі і Украіны MediaLab Fem. На нашых Медыямайстэрнях студэнткі* атрымліваюць і паглыбляюць веды ў галіне жаночага актывізму, жанравага фотапартрэта і партрэтнага нарыса.

Для нас важная інклюзіўнасць мовы, уключанасць у моўныя практыкі ўсіх гендарных ідэнтычнасцяў. Мы не маем гатовага рэцэпта для змякчэння лінгвістычнага сексізму. Мы эксперыментуем і шукаем формы, якія змяншаюць моўную дыскрымінацыю.

Нашы аўтаркі* вырашаюць самі, ці выкарыстоўваць у тэкстах фемінітывы, гендаргэп, гендарную зорачку, іншыя прыёмы гендарна-інклюзіўнай мовы або прытрымлівацца замацаваных моўных «нормаў».

Цытаты гераінь* мы падаём у арыгінале.

Калі мы пішам «Жанчына», то маем на ўвазе ўсіх, хто сябе ёю лічыць, незалежна ад біялагічнага полу.